مفكرين انه سوريا خربت ؟ هههه بتكونو غلطانين

مفكرين انه سوريا خربت ؟ هههه بتكونو غلطانين

لا لا سوريا ابدا ما خربت ولا عمرها رح تخرب

 

يا سيدي يلي بقول انه سوريا ما عاد فيها فن , لا الفن موجود والممثلين والفنانين كلهم موجودين . هو صحي نصهم صارو بمصر والنص التاني بدبي

وصحي انهم صارو يمثلو لصالح البلد المقيمين فيه و لتقوية الفن فيه وحتى انهم صارو يحكو بلهجة البلد المهجرين فيه

ولكن لسه بكل شارة لأي عمل فني بينذكر اسمهم وبينكتب فوق الاسم الفنان السوري

اما بالنسبة للسياحة فما بسمحلكن ابدا تقولو انه السياحة ماتت في سوريا . لا لا هاد غلط , فالتماثيل التراثية بعدها موجودة هو صحي مش بسوريا . انتقلت الى تركيا والعراق والاردن والى لبنان وتم بيعها بمالغ كبيرة كتير بس لسه موجودة يعني السايح بيقدر يجي ويشوفها

 

اما بالنسبة للصناعة والتجارة فدخيلكن مش محرزين ابدا حتى ولو راحو . لك اي اي مش محرزين ورح قلكن ليش يعني سوريا تقدمت اكتر وصارت متلها متل الدولة المجاورة بتعتمد على ما يحصد الغرب وصارت تتقبل المعونات . فوين المشكلة لو التجارة راحت والغرب كله كله رح يخدمنا بالمستقبل

 

اما يلي بدو يجي ويحكي عن العمارات والبنى يلي نهدمت . ولك دخيلكن يعني كلها كانت عمارات قديمة ومش حديثة وكلها مبنية على العشوائية , هلأ رح نتقدم اكتر ورح تجي شركات كبيرة رح ترجع تبني البلد من اول وجديد . يعني وين المشكلة ان كانت الشركات اجنبية ؟ بالعكس نحن استفادتنا اكبر رح ترجع سوريا المستقبل التي لا ينتمي اليها اي بيت قديم

 

اكيد ما بقي شي تقلي عليه غير عن يلي ماتو اطفال ونساء ومسنين . يا سيدي هي النقطة ما بسمحلك تحكي فيها ابدا

يعني هيك هيك نحن خلقنا عشان نموت . فوين المشكلة لو متنا شهداء ؟ في احسن من هيك . وبعدين دخيلك نحن عدننا كتير كبير مقارنتا بالدولة المتقدمة . اما هلأ بعد ما مات اكتر من مليونين شهيد وفقيد ! يعني شوي شوي رح يصير عدننا مقبول نسبة الى مساحة البلاد , وممكن وقتها يبطلو يقولو عنا دولة متخلفة

فمين الحيوان يلي بيقدر يقولو ان سوريا خربانة ؟ ولك سوريا موجودة موجودة بقلب هالوطنيين وبقلب هالثوريين موجوددددددددة والله موجودة

والله اكبر =D

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *